Շվեդական առակ. Ապրել, թե մեռնել

Աշխարհում ապրում էր մի ագահ ծեր կին։ Նա միայն մտահոգվում էր, որ ահա ինքը կմահանա, իսկ իր կովը օտար մարդկանց կմնա։ Եվ նա որոշեց իր մահից առաջ կովին անպայման մորթել և ուտել։ Միայն անհայտ էր՝ ե՞րբ մահը կայցելի նրան։ Ծեր կինը սկսեց այցելել հարևաններին և և բոլորից խորհուրդ հարցնել։ Իսկ մի կատակախոս ասաց նրան.

֊Գնա, տատի՛կ, սարերը։ Բարձրացիր, կանգնիր գագաթին և բղավիր.《Ապրե՞լ, թե՞ մեռնել》։ Այնտեղ միանգամից պատասխանն էլ կլսես։

Այդպես էլ ծեր կինն արեց։ Բարձրացավ բարձր սարը և ինչքան կարող էր բղավեց.

֊Ապրե՞լ, թե՞ մեռնել։
Արձագանքը նրան պատասխանեց.

֊Մեռնել։

Ծեր կինը վերադարձավ տուն և մորթեց իր կովին։ Իսկ հետո օջախ վառեց և լիքը կաթսայով տավարի միսը եփեց։ Այդպես, երկար ժամանակ նա կովի մսով ապրեց, մինչև վերջին կտորը կերավ և վերջին ոսկորները կրծոտեց։

Անցավ մեկ շաբաթ, երկրորդը, իսկ ծեր չէր մահանում։
Նա զայրացած, գնում է հարևանների մոտ, հարձակվում այն կատակախոսի վրա, ով իրեն խորհուրդ էր տվել.

֊Այ, դու անպիտան, անամոթ են քո աչքերը։ Ինչու՞ ինձ ստեցիր։

Իսկ կատակախոսը նրան հարցրեց.

֊Ինչպե՞ս ես բղավել, տատի՛կ։

֊Ապրե՞լ, թե՞ մեռնել,֊ պատասխանեց ծեր կինը։

֊Ահա և սխալը։ Անհրաժեշտ էր բղավել.《Մեռնե՞լ, թե՞ ապրել》։

Հաջորդ օրը ծեր կինը նորից գնաց սարերը, կանգնեց ամենաբարձր գագաթին և բղավեց.

֊Մեռնե՞լ, թե՞ ապրել։

Իսկ արձագանքը պատասխանեց նրան.

֊Ապրել։

Այդ ժամանակվանից սկսած՝ ծեր կինը դեռ ապրում է և միայն մտահոգվում է, որ ժամանակից շուտ կերավ իր կովին։

Աղբյուրն՝ այստեղ

Թարգմանությունը՝ Հասմիկ Վարդանյանի

Ես սեբաստացի եմ, ես կարողանում եմ

Շուտով կլրանա մեկ տարին, ինչ սովորում եմ «Մխիթար Սեբաստացի» կրթահամալիրի ավագ դպրոցում: Այս մեկ տարվա ընթացքում կրթահամալիրն ինձ տվեց ավելին, քան կարող էի պատկերացնել: Այստեղ ուսումը կազմակերպվում է այլ կերպ, որը և՛ հաճելի է, և՛ օգտակար: Շնորհիվ նոր ընկերներիս և ուսուցիչներիս՝ ես ձեռք եմ բերել նոր կարողություններ:
Առաջին հերթին ինձ համար նորություն էր համակարգչով աշխատելը: Սկզբում, իհարկե, կային դժվարություններ, բայց հիմա կարող եմ ասել, որ ես ունեմ բավականին գիտելիքներ` համակարգչով աշխատելու և ավելի հեշտորեն եմ վարում իմ ուսումնական բլոգը: Սովորել եմ նաև ՏՀՏ այլ հմտություններ: Կրթահամալիրում ես հնարավորություն ստացա անելու առաջին քայլերս թարգմանական աշխատանքներում. ուզում եմ դառնալ թարգմանչուհի: Սա համարում եմ իմ կարևորագույն ձեռքբերումներից: Արդեն հասցրել եմ թարգմանել նյութեր ռուսերենից, անգլերենից և իսպաներենից: Այստեղ հնարավորություն ունեմ ուսումնասիրելու մի քանի օտար լեզու: Ուսումնական առաջին և երկրորդ շրջաններում ուսումնասիրել եմ իսպաներեն, երրորդ և չորրորդ շրջաններում՝ գերմաներեն: Այժմ զբաղվում եմ ինքնակրթությամբ, որպեսզի յուրացնեմ այդ լեզուները:
Կարողանում եմ նաև կարդացած նյութս վերլուծել, ավելի ազատ ու ինքնավստահ արտահայտել մտքերս, առանց բարդույթների սեփական կարծիքս ունենալ ցանկացած հարցի շուրջ և վերլուծել իրավիճակն իմ տեսանկյունից:
Շատ ուսուցողական են նաև մեր ճամփորդությունները: Քայլելով ճանաչում ենք մեր հայրենիքը, նրա յուրաքանչյուր անկյունը: Ճամփորդելը ինձ համար դարձավ նոր մշակույթ: Վստահ եմ, որ ունեմ բավականին գիտելիքներ և փորձ ճամփորդելու համար: Յուրաքանչյուր ճամփորդության ընթացքում ձեռք եմ բերում նոր հմտություններ, բացահայտում ընկերներիս, սովորում ու անընդհատ սովորում:
Ուրախ եմ, որ սովորում եմ կրթահամալիրում, ուրախ եմ, որ այն օգնել է ինձ` կայանալու ու ինքնադրսևորվելու:

Վրացական առակ. Իմաստունի կարծիքը (թարգմանություն)

Մի երկրում իմաստուն հայտնվեց և սկսեց բոլորին խելք սովորեցնել։ Շատերը սկսեցին տրտնջալ` անկոչ հյուր է հայտնվել, բոլորին սովորեցնում է, իսկ մենք հիմար չենք։ Եվ իմաստունից դժգոհողները որոշեցին ազատվել նրանից։ Մեկը վերցրեց մի գառնուկ և տարավ շուկա՝ վաճառելու։ Ինչպես և պայմանավորվել էին, երկրորդը գնելու նպատակով մոտեցավ և ասաց.

֊Սա ինչ գառնուկ է, սա սովորական շնիկ է։
Նրանց միջև վեճ բռնկվեց, դիմեցին իմաստունին , որպեսզի լուծի վեճը։
֊Մի թե դու չե՞ս տեսնում, որ սա գառնուկ է,֊ ասաց իմաստունը։
Իսկ մյուսը միայն իր իմացածն էր պնդում.
֊Շնիկ է, ու վերջ։
Այդ ժամանակ իմաստունն ասաց.
֊Հարցնենք մարդկանց, ինչ ժովուրդն ասի, դա էլ ճիշտ կլինի։
Վիճողներն իմաստունի հետ ուղևորվեցին շուկա։ Այնտեղ միայն դավադիրներն էին և նրանք միաձայն պատասխանեցին
-֊Դա գառնուկ չէ, այլ՝ շնիկ։
Այդ ժամանակ իմաստունը բացականչեց.
-Ի՜նչ արած, երևի, սա իսկապես շնիկ է։

Թարգմանությունը՝ Հասմիկ Վարդանյանի

Աղբյուրն՝ այստեղ

Մեր գյուղը

Մեր ընտանիքն ունի քաղաքից դուրս հանգստանալու իր գողտրիկ անկյունը: Այդ գյուղը Արագածոտնի մարզի Սաղմոսավան գյուղն է: Գյուղը գտնվում է Քասաղ գետի աջափնյա մասում։ Հեռավորությունը մարզկենտրոնից 8 կմ հյուսիս-արևելք է, բարձրությունը ծովի մակերևույթից՝ 1620 մ։ Հիմնադրվել է 1830-ական թվականներին։ Սաղմոսավանի բնակչության նախնիները գաղթել են Պարսկահայաստանից։ Գյուղն այնքան էլ մեծ չէ, հետևաբար չունի նաև շատ բնակչություն: Տարածքը կազմում է 3,7 կմ², բնակչությունը՝ 252 մարդ: Բնակչությունը զբաղվում է անասնապահությամբ, այգեգործությամբ, պտղաբուծությամբ, հացահատիկի և կերային կուլտուրաների մշակությամբ։

Գյուղը նախկինում ունեցել է Սագմոսավան, Սագմոսավանք, Սաղմոսավանք անունները, մտել է Երեւանի նահանգի Էջմիածնի գավառի մեջ եւ իր անվանումը ստացել է ՚Սաղմոսավանքՙ վանքի անունից: Գյուղը հայտնի է այստեղ գտնվող վանքով: Ամեն օր հարյուրավոր զբոսաշրջիկներ այցելում են այս գյուղ՝ տեսնելու Սաղմոսավանքը:

Սաղմոսավանք

Ավանդության համաձայն հայոց առաջին կաթողիկոս Գրիգոր Լուսավորիչը 4-րդ դարում Արագածի գագաթից նկատելով այս վայրը՝ գալիս է այստեղ և եկեղեցի է կառուցում:  Այնուհետև, նույն տեղում հոգևորականներ հավաքելով, նրանց սաղմոսներ է սովորեցրել:Գրավոր աղբյուրներում Սաղմոսավանքը հիշատակվում է 12-րդ դարի 2-րդ կեսից, երբ Հովհաննես Մունջ վարդապետը վերանորոգել է այն և ստեղծել դպրոց, որը դարձել է նշանավոր գրչության կենտրոն: 13-րդ դարում Զաքարյան իշխանների կողմից Արևելյան Հայաստանը ազատագրելուց հետո այստեղ հաստատվում է Վաչուտյան իշխանական տոհմը: 1215 թվականին Վաչե Վաչուտյանն իր կնոջ՝ Մամախաթունի հետ միասին կառուցում են Սաղմոսավանքի գլխավոր` Սուրբ Սիոն եկեղեցին, որն արտաքինից ուղղանկյուն, ներսից խաչաձև կենտրոնագմբեթ եկեղեցի է, բոլոր անկյուններում ունի երկհարկ ավանդատներ: Սուրբ Սիոն եկեղեցու ճարտարապետի անունը Մոմիկ էր:

Գյուղն աչքի է ընկնում նաև իր ինքնատիպ բնության գեղեցկությամբ: Ես հաճախ եմ լինում այստեղ և հիանում դրանով: Քանի որ ոչ բոլորն ունեն այդ հնարավորությունը, ես կներկայացնեմ լուսանկարներ, որոնք տեսնելուց հետո դուք կցանականաք գոնե մեկ անգամ լինել այնտեղ:

Արա լեռը՝ մեր գյուղից
Մեր այգին
Մեր այգին
Մեր այգին

Հեռավար-առցանց ուսուցման ամփոփում

Հեռավար ուսուցման այս երեք ամիսներին դասերն անցկացվեցին այլ ձևով: Չեմ կարող ասել, որ ուսուցման այս ձևն արդյունավետ չէր, քանի որ մենք բացի առարկայական նախագծերից սկսեցինք դասերն անցկացնել տեսակապի միջոցով, ինչպես նաև ժամանակն օգտագործել արդյունավետ և զբաղվել ինքնակրթությամբ: Սա լավ ժամանակ էր ինքնակատարելագործվելու և զարգացնելու սեփական ունակությունները: Հայոց լեզվի մեր դասերն անցկացվեցին տեսակապի միջոցով: Հասցրել ենք իրականացնել նախագծեր, կատարել ստեղծագործական աշխատանքներ և բազում վարժություններ:

Գրականությունից նույնպես արել ենք շատ առաջադրանքներ, ուսումնասիրել ենք բազմաթիվ գրողների, կարդացել ենք նրանց ստեղծագործություններից և դրանք վերլուծել: Ես մասնակցել եմ բոլոր նախագծերին, արել եմ ընթերցումներ, թարգմանություններ, վերլուծություններ և ընտանեկան նախագծեր: Բոլոր նախագծերը, որոնք արել եմ այս ամիսներին, ներկայացված են ստորև.

Մերոնք

Մայիսը դարձել է պատմական հաղթանակների և բախտորոշ իրադարձությունների արձանագրողը։ Մայիսի 9-ին հայ ժողովուրդը նշում է երեք տոն՝ Հայրենական մեծ պատերազմի հաղթանակը, Լեռնային Ղարաբաղի Հանրապետության բանակի կազմավորումը և Շուշիի ազատագրումը:

Հայրենական մեծ պատերազմը ընթացել է 1941-1945 թվականներին Խորհրդային Միության և Նացիստական Գերմանիայի ու նրա դաշնակիցների (Իտալիա, Հունգարիա, Ռումինիա, Ֆինլանդիա, 1945 թվականից նաև Ճապոնիա) միջև և կազմել է Երկրորդ համաշխարհային պատերազմի մասը։ Հայրենական պատերազմի տարիներին հայ ժողովուրդն արժանի ներդրում ունեցավ Հիտլերյան Գերմանիայի դեմ պայքարում: Ես զրուցեցի ընտանիքիս անդամների հետ և պարզեցի, որ հայրիկիս երկու պապիկներն էլ մասնակցել են Հայրենական մեծ պատերազմին:

Հայրիկիս պապերից մեկը՝ Մկրտիչ Վարդանյանը, ծնվել է 1913 թվականին Մուշում: Երկրորդ համաշխարհային պատերազմի հենց առաջին օրից զորակոչվել է բանակ: Ընդհանուր ծառայել է հինգ տարի նախ՝ որպես զինվոր, իսկ հետո որպես խոհարար: Նա կռվել է առաջին ուկրաինական ռազմաճակատում: Արկի պայթյունից ստացել է բազում հրազենային վնասվածքներ, բայց դա նրան չի խանգարել հասնել մինչև Բեռլին:

Հորս մյուս պապը՝ Պետրոս Պետրոսյանը, ծնվել է 1916 թվականին: Մինչև Երկրորդ համաշխարհային պատերազմը 1939 թվականին նա մասնակցել է Ֆինլանդիայի պատերազմին: Հայրենական մեծ պատերազմի ժամանակ կռվել է երրորդ բելառուսական ռազմաճակատում: Պատերազմի ընթացքում եղել է վարորդ և տեղափոխել է ականներ առաջնագծում ծառայող զինվորների համար: Նա ծառայել է ութ տարի: Մի անգամ ականներ տեղափոխելու ճանապարհին մեքենայի խափանման պատճառով երկու օր մնացել է ավտոմեքենայի մեջ, ցրտահարվել է և տեղափոխվել հիվանդանոց: Դրանից հետո այլևս չի շարունակել ծառայությունը:

Առաջադրանքներ

Պատկանու՞մ է արդյոք հարթության տրված կետը y=√(2x-5) ֆունկցիայի գրաֆիկին.


(0, √5) ոչ
(3, 1) այո
(4, 1,7) ոչ
(5, √5) այո

Գտնել f ֆունկցիայի գրաֆիկի և կոորդինատային առանցքների հատման կետերի կոորդինատները, եթե՝


y=5x-9 (0, -9) (1,8, 0)
y=15-3x (0,15) (5,16)
y=3x²-2x-8 (0, -8) (-4/3, 0) (2,0)
y=x²-121 (11, 0) (-11, 0) (0, -121)

Քառանիշ թվի առաջին թվանշանը 7 է: Եթե այդ թվանշանը տեղափոխենք վերջին տեղը, թիվը կփոքրանա 864-ով: Գտնել սկզբնական թիվը:

7526

Երեք թվեր, որոնց գումարը 12 է, կազմում են թվաբանական պրոգրեսիա: Եթե երրորդ թիվը փոխարինենք 8-ով, ապա կստացվի երկրաչափական պրոգրեսիա: Գտնել այդ թվերը:

2, 4, 6

Քանի՞ ժամում հեծանվորդը կանցնի 84կմ, եթե նա առաջին ժամում անցնում  է 15կմ, իսկ յուրաքանչյուր հաջորդ ժամում՝   1կմ-ով պակաս, քան նախորդ ժամում:

7 ժամում

Ուսումնական երրորդ շրջանի ամփոփում

Հունվարյան ճամբարից հետո մեկնարկեց ուսումնական երրորդ շրջանը, որը, ըստ իս շատ արդյունավետ էր: Բոլոր առարկաներից սկսեցինք իրականացնել տարբեր հետաքրքիր նախագծեր: Ահա այն նախագծերը, որոնք իրականացրել եմ դեռ այն ժամանակ, երբ դեռ դասերն անցկացվում էին ֆիզիկական միջավայրում.

Համաճարակի ի հայտ գալուն պես դասընթացները ֆիզիկական միջավայրում դադարեցվեցին և տեղափոխվեցին առցանց հարթակներ: Դա չխանգարեց մեզ ստանալ նոր գիտելիքներ և զբաղվել ինքնակրթությամբ: Այս ընթացքում ես, բացի իմ անհատական ուսումնական պլանում նշվածներից, իրականացրել եմ գյուղատնտեսական աշխատանք, զբաղվել եմ նկարչությամբ, բացահայտել եմ նոր տաղանդներ: Ընտանեկան դպրոցի շրջանակներում ընտանիքս նույնպես մասնակցել է նախագծերին: Այս հեռավար ուսուցման 3 ամիսների ընթացքում բոլոր առարկաներից իրականացրել եմ ուսուցիչների առաջարկաց բոլոր անհատական և ընտանեկան նախագծերը: Ահա իմ այս շրջանի անհատական նախագծերը.

Ինչպես արդեն նշեցի` ընտանիքիս անդամները նույնպես մասնակցել են նախագծերին: Ընտանեկան նախագծերը դարձել են մեր առօրյայի մի մասը, և մենք մեծ հաճույքով ենք դրանք իրականացնում: Ահա այն նախագծերը, որոնց վրա այս ժամանակաշրջանում աշխատել ենք միասին:

Առաջադրանքներ

197. Գտնել ֆունկցիայի որոշման տիրույթը:
ա) f(x)=√(x^2-16) + 2x
(-∞, -4] U [4, +∞)

բ) f(x)=√(36-x^2 ) + 3×3
[-6, 6]

գ) f(x)=√(50-2x^2 )
[-5, 5]

դ) f(x)=√(9+x^2 )
(0, +∞)

ե) f(x)=√(3-x^2 ) + 1/x-3
[-√3, √3]


199. Գտնել խորանարդի ծավալի ֆունկցիոնալ կախվածությունը նրա

ա) կողմի երկարությունից
V=√(5/6)

բ) լրիվ մակերևույթի մակերեսից:
V=(5/6)³/²


200. Ինչպե՞ս է արտահայտվում կանոնավոր եռանկյանն արտագծված շրջանագծի ֆունկցիոնալ կախվածությունը՝

ա) եռանկյան կողմի երկարությունից
a²-(a/2)²

բ) եռանկյան միջնագծի երկարությունից
a²-(a/2)²

201. Գտնել շրջանագծին ներգծած քառակուսու մակերեսի ֆունկցիոնալ կախվածությունը շրջանագծի շառավղից:
R=a • √3/3